قصة اغتيال بوب مارلي - بالدارجة -

قصة إغتيال بوب مارلي

بوب مارلي

علاش تغتال بوب مارلي

شكون اغتال بوب مارلي؟

من صغري كنت كندخل البيار و نلقا تصاور بوب مارلي جنب لجنب مع توباك فكاع الحيوط، كنت كنسمع موسيقتو و كنولي شبه مخدر مبنج و ودنيا كيجيهم الأوركازم بأنغام الريغي وخا مكنتش فاهم شنو كيقول ، كبرت و تعلمت الإنجليزية و فهمت كلمات بوب مارلي و فهمت الرسالة الجوهرية تاع الراسطافاريا، نبي السلام و الحرية و أغانيه مزيج من الحب و المعاناة كتضمد جراح كاع الشعوب المقهورة ، مكانش كيغني على الزطلة و مكانش مدمن و ماماتش بسرطان الجلد كيفما قالو ، بوب مارلي تغتال و تقتل بيد أمريكية من طرف الCIA ...أي واحد مامطلعش على مبادئ الحركة الرسطافارية و على موسيقى بوب مارلي الثورية غادي يصدق القصة لي تنسجات حول مقتل الأسطورة ، لكن مؤخرا خرج عميل سابق فالإستخبارات الأمريكية بيل أوكسلي و كشف الحجاب على واحدة من أكثر عمليات الإغتيال سرية. بيل أوكسلي قال أن CIA هندسات عمليات إغتيال فحق بزاف تاع الشخصيات الثورية فأمريكا اللاتينية بين الفترة الممتدة بين 1974 و 1985 ، بوب مارلي كان من بين المستهدفين و كان العميل بيل أوكسلي هو رجل هاد المهمة، بحيث قدم راسو كمراسل لنيويورك تايمز و طلب من الحاشية الفنية تاع بوب مارلي تخليه يدير مقابلة معاه، و من بعد الموافقة على طلبو حضر العميل و معاه كرطونة صغيرة فيها حداء كونفيرس لي كان داير بوم فديك الوقت، هاد الحذاء كان هدية لبوب مارلي و منين تلاقاه و عطاه ليه ناض بوب مارلي باش يقيس السبرديلة و لبس الفرد الأولى فيها و غوت و خرج رجليه دغيا، فديك الفردة كانت مغروسة إبرة صغيرة فيها سم كيسبب الميلانوما أو سرطان الجلد. العميل بيل أوكسلي قال أنه منين سمع بوب مارلي صرخ من شدة الألم تأكد أنه غيموت لا محال و هي مسألة وقت فقط، و قال أنه مكيحسش بتأنيب الضمير حيث كيعتبر نفسو وطني حتى النخاع و يقدر يدير كلشي فخدمة بلادو أمريكا. الخبراء كيقولو أن أشعة الشمس هي المسبب تاع سرطان الجلد لكن فحالة بوب مارلي كان السبب غامض، الدوافع تاع هاد الإغتيال واضحة بحيث أمريكا كانت فديك الفترة كتصفي أي واحد كيروج لثقافة معادية ، بوب مارلي كان عندو قاعدة جماهيرية كبيرة و أغانيه كانت ثورية و تحررية و كان هو أشهر رمز فحركة الراسطافاريا (جاي ليها فمقال مفصل) ، حاولو يجروه لجيهتهم و طلبوه أحزاب موالية لأمريكا باش يدخل معهم لكن رفض، بحيث كانت الدعوة الأولى كانت من حزب العمال الجمايكي و الدعوة الثانية من حزب الشعب الوطني. عملية إغتيال بوب مارلي كانت هي بداية حرب الفيروسات أو بالأحرى الجيل الخامس من الأسلحة.

ذات صلة بالدارجة

أجي تعرف شنو هي الشيوعية 

الجزر المغربية المحتلة
الاله الرقمي يراقبك 
 المسيحية النشأة الزمان والمكان