التداوي بالحشيش - بالدارجة -

الحشيش والتداوي بالتباوق 

حشيش .. كيف .. كمنتوج الوطني 

التداوي بالحشيش

أولا المقال هو عبارة عن معلومات صحيحة ماشي دعوة لإنحراف و كل ما ورد فيها لا يعكس الرأي الشخصي ديالي 

الحشيش أو المارجوانا أو الكيف هم عبارة عن مستخلصات نبات القنب ، و نبات القنب بحالو بحال جميع النباتات عندو نبتة ذكر و نبتة أنثى ، الدكر هو نبات الكيف لي كيكون السيقان تاعو طوال و الزهرة كتكون صغيرة و هو لي كيخرج منو الحشيش بعد عمليات الغربلة ، أما النبثة الأنثى هي المارجوانا لي الأوراق ديالها كبار

دبا وضحنا الفرق بين المبوقات الثلات ، ندوزو دبا للفوائد الصحية ديال القنب الهندي ، كيفما كنعرفو أن الزطلة و الكيف و الماريجوانا و كاع مستخلصات القنب كتبوق و كتعطي شعور بالنشوة و الهلوسة و هدا راجع لمادة THC ، القنب الهندي فيه أكثر من 100 مادة كيماوية مختلفة إسمها الكانابينويد ، هاد الكانابينويد أسيدي عندها فوائد علاجية لا حصر لها ، خلينا نبداو بسرطان الدماغ ، الكل كيعرف أن الطباوق مع المدة كتقتل خلايا الدماغ ،لكن إلى تستخدمات الميبواقا بشكل علاجي غتولي تستهدف الخلايا السرطانية و تقضي عليها بإنتضام ، كذلك مرض الصرع لي العلاج النهائي تاعو شبه مستحيل ، الجوانات أو الشقوفا كيقومو بالمساعدة على التحكم فنوبات الصرع من خلال مادة THC لي كتقوم بدور تركيز الإشارات الكهربائية فالفص الأيسر من الدماغ ، و أضف على هذا علاج الزهايمر و حالات الفصام و مرض كرون و متلازمة الهزال .

خلينا دبا من الأمراض الفتاكة و طلق ليا الجوان لهنا ، راه النعناع و الشكلاط ديال كتاما كيقوي الضعاف و كيكالمي المراض ، متيقتيش سير بحث على دواء "درونابينول" راه كيحارب الغثيان و فقدان الوزن و كيكالمي الآلام ديال مرضى الإيدز ، متيقتيش!! عاود قلب على "نابيلون" راه هو أقوى مسكن آلام و أطولهم مدة ، و كينين كريمات و مستحضرات تجميل كتحارب تشققات الجلد و الإلتهابات ، هاتشي كامل مستخرج من القنب الهندي ، و نزيدك راه كيقاوم حتى التصلب العصبي و تشنجات العضلات و كيفتح الشهية و كيزيد الوزن بالمركبات لكميائية لي فيه ،

هتشي كامل و منظمة الصحة العالمية مصنفة الحشيش و الكيف فلائحة المخدرات المسببة للإذمان!!! و السبب هو أنهم بغاو يحافضو على المداخيل القارة ديال تجارة الأدوية ، و حيت تجارة الأدوية عبارة عن تجارة وهم راه العلاج الحقيقي معمرك تحلم تشريه حيت نتا ولد العالم الثالت لي بالنسبة لهم سوق استهلاكية ، إذن كمي و عاود كمي و فوت الفرشاخة و الى سعفتيني كاع شوف ليك شي ربطة تاع الكيف قصصها تعرف أش كامي فيها و تكااااالما ليا مع راسك راه الدواء بين يديك .... دمنا و دمتم طائرين  .

ذات صلة  بالدارجة :

• أجي تعرف شنو هي الشيوعية - بالدارجة -
• المسيحيةالنشأة الزمان والمكان - بالدارجة -
• غسيلالاموال - بالدارجة -
• الجزر المغربية المحتلة - بالدارجة -