شخص من عالم آخر

معمري كنت في يوم من الايام من الناس لي كتبغي الحزن والوحدانية والتقوقع حولهما . كنت من االناس البسيطة جدا لي كانت ابسط حاجة ممكن تضحكني وابسط الافكار ممكن نصدقها .. كنت اكثر ايمانا بغدا اجمل .. واكبر من انني نحزن لامر عارض طارئ .. واعمق متعصبني شي حاجة تافهة . ،، ولكن التغيير فسيمات شخصيتي ربما تغيرات بشكل مطلق مع مرور الوقت ، الاشياء او الاحداث الصادمة فاش تتراكم على الروح الانسانية والنتائج الغير متوقعة ، توالي الاشياء السلبية على ممر ثلاث سنوات واكثر كانت كفيلة من انها تخلق واحد الانسان اخر من عالم اخر . من انسان مكيتعصبش لانسان مكن دبانة تكعيه .. من انسان عزيز عليه يتلاقا بنادم يكلس فمجموعات يضحك لانسان مبقاش تا باغي يخرج من بيتو .. وتا الى خرج مباغيش يشوف البشرية خصوصا واحد الماركة " مالك على حالتك واش غ نتا لي عندك ظروف طيطيطيطيطيط .. بنادم مانسبيري من شوف تيفي وقنوات العهر " كشخص وليت غير قابل بهاد الحياة لا من الناحية دالوجود نتاعها ولا من ناحية الظواهر اللي كتروج وسطها ، اناهيك على المؤسسات الرائجة والسياسات الممارسة .. الخ

الحاصول كتاشفت انه ولا شاق عليا وجد صعب انني نولي كيف كنت ,, المرحلة لي كنت قادر نكتب داك شي باش حاس .. اصعب حاجة لي تنعيشها انا حاليا هو استحالة مطلقة للتعبير على داك الجحيم لي كنحس بيه لداخل .

الان اصبحت العزلة والاطواء حول الذات هي الملاذ الاول والاخير لانسان بحالي .

مواضيع أخرى بالدارجة:

قصة اغتيال بوب مارلي - بالدارجة -

تهافت الفلاسفة - بالدارجة -

الاله الرقمي يراقبك - بالدارجة -

التداوي بالحشيش - بالدارجة -

شكون قتل كينيدي ؟ - بالدارجة -

شكون هو المهدي المنجرة ؟ - بالدارجة -